የአጠቃቀም ውል እና ግላዊነት

← ወደ ጨዋታው

የተሻሻለበት፡ 8 ነሐሴ 2026

የቃላት ጨዋታ (“ጨዋታው”) በየቀኑ የሚወጣ የአማርኛ ጨዋታ ነው። ጨዋታውን በመጠቀም ከዚህ በታች ያለውን ውል እንደተቀበሉ ይቆጠራል። ውሉን የማይቀበሉ ከሆነ ጨዋታውን አይጠቀሙ።

፩. ስለ ጨዋታው

ጨዋታው በነጻ የሚቀርብ ሲሆን መለያ መክፈት፣ መመዝገብ ወይም ክፍያ መፈጸም አይጠይቅም። በየቀኑ በ3፡00 ሰዓት (09:00 EAT) አዲስ ጨዋታ ይወጣል።

ጨዋታው በኢንተርኔት አሳሽ ውስጥ የሚሰራ ሲሆን መረጃውን በመሣሪያዎ ላይ ያስቀምጣል። የአሳሹን መረጃ (site data) ካጠፉ ወይም የግል መስኮት (private browsing) ከተጠቀሙ፣ ውጤትዎ እና ተከታታይ ቀናትዎ ይጠፋሉ። ይህ ስህተት ሳይሆን የአሰራሩ ባህሪ ነው።

ጨዋታዎቹ አስቀድመው የተዘጋጁ እና እንደ ተራ ፋይል የሚቀርቡ ናቸው፤ ስለዚህ የሚፈልግ ሰው የወደፊት ቀን ጨዋታን ከነመልሱ አስቀድሞ ማየት ይችላል። ጨዋታው መልስዎን የሚያረጋግጠው በራስዎ መሣሪያ ላይ ነው፤ ይህም ያለ መለያ እና ያለ ኢንተርኔት እንዲሰራ የሚያደርገው ሲሆን፣ ለማረጋገጥ መልሶቹን መያዝ ግድ ይለዋል ማለት ነው። ይህን አንደብቅም። አስቀድሞ ማየት የሚያበላሸው የራስዎን ጨዋታ ብቻ ነው።

፪. አጠቃቀም

ጨዋታውን ለግል መዝናኛ ብቻ ይጠቀሙ። የሚከተሉት አይፈቀዱም፡

፫. የይዘት ባለቤትነት

የጨዋታው ንድፍ፣ የትብብ (ጥበብ) ስዕላዊ ማንነት፣ የጨዋታ ሰሌዳዎች፣ የተመረጠው የቃላት ስብስብ እና ኮዱ የባለቤቱ ንብረት ናቸው። የአማርኛ ቃላት ራሳቸው የማንም ንብረት አይደሉም፤ የተጠበቀው የስብስቡ ምርጫ፣ አደረጃጀት እና አቀራረብ ነው።

ውጤትዎን የሚያሳየውን የማጋሪያ ፍርግርግ (share grid) በነጻነት ማጋራት ይችላሉ።

፬. ስፖንሰርሺፕ

አንዳንድ ቀናት በስፖንሰር ሊደገፉ ይችላሉ። በዚህ ጊዜ የስፖንሰሩ ስም ወይም አርማ በገጹ ላይ በግልጽ ይታያል።

ስፖንሰሮች ስለ እርስዎ ምንም መረጃ አያገኙም። የስፖንሰሮች አርማዎች ከዚሁ ገጽ ላይ ይቀርባሉ እንጂ ከውጭ አገልግሎት አይጫኑም። የማስታወቂያ አውታር (ad network)፣ የክትትል ፒክሰል ወይም የባህሪ ላይ የተመሠረተ ማስታወቂያ አንጠቀምም።

ስፖንሰርነት ጨዋታውን ለመደገፍ የሚደረግ ሲሆን የስፖንሰሩን ምርት ወይም አገልግሎት እንደ ማረጋገጫ አይቆጠርም። ወደ ስፖንሰሩ ገጽ የሚወስድ አገናኝ ካለ፣ ያ ገጽ የራሱ ውል እና የግላዊነት መመሪያ አለው።

፭. የአገልግሎት ዋስትና

ጨዋታው “እንዳለ” ይቀርባል። ያለማቋረጥ እንደሚሠራ፣ ከስህተት የጸዳ እንደሆነ ወይም ማንኛውም ጨዋታ በተወሰነ ደረጃ ፍትሐዊ እንደሆነ ዋስትና አይሰጥም። አገልግሎቱ በማንኛውም ጊዜ ሊቋረጥ፣ ሊቀየር ወይም ሊዘጋ ይችላል።

ተከታታይ ቀናት (streak) እና ውጤቶች በመሣሪያዎ ላይ ብቻ ስለሚቀመጡ፣ መጥፋታቸውን የመመለስ ኃላፊነት አይወሰድም።

፮. የተጠያቂነት ወሰን

በሚመለከተው ሕግ በተፈቀደው ከፍተኛ መጠን፣ ጨዋታውን በመጠቀም ወይም መጠቀም ባለመቻል ለሚደርስ ማንኛውም ቀጥተኛ ያልሆነ፣ አጋጣሚ ወይም ተከታይ ጉዳት ተጠያቂነት አይኖርም።

፯. ውሉ ስለሚሻሻልበት ሁኔታ

ይህ ውል ሊሻሻል ይችላል። የተሻሻለበት ቀን ከላይ ይታያል። ለውጡ ከወጣ በኋላ ጨዋታውን መጠቀም መቀጠል የተሻሻለውን ውል እንደተቀበሉ ይቆጠራል።

፰. የሚመራበት ሕግ

ይህ ውል በኢትዮጵያ ፌዴራላዊ ዲሞክራሲያዊ ሪፐብሊክ ሕግ ይመራል። ከውሉ ጋር በተያያዘ የሚነሳ አለመግባባት በአዲስ አበባ ባሉ የሥልጣን ፍርድ ቤቶች ይታያል።

፱. የግላዊነት መግለጫ

ጨዋታው መለያ የለውም፣ ማንነትዎን አይጠይቅም፣ ኩኪ (cookie) አይጠቀምም፣ እና በድረ-ገጾች መካከል የሚከታተል ቴክኖሎጂ የለውም።

በመሣሪያዎ ላይ የሚቀመጥ

የሚከተለው በአሳሽዎ ማከማቻ (localStorage) ውስጥ ብቻ ይቀመጣል፤ ከመሣሪያዎ አይወጣም፡ ቅንብሮችዎ፣ ተከታታይ ቀናትዎ፣ የተጫወቷቸው ቀናት እና ያልጨረሱት ሰሌዳ ሁኔታ።

ወደ አገልጋዩ የሚላክ

የመረጃ መጋራት ከበራ (በነባሪ የበራ ነው)፣ አንድ ሰሌዳ ሲጠናቀቅ ወይም ሲተው የሚላከው ይህ ብቻ ነው፡

የሚላከውምሳሌ
የጨዋታ ቁጥር128
ተጠናቀቀ ወይስ አልተጠናቀቀምአዎ
የፈጀው ጊዜ245000 ሚሊሰከንድ
የፍንጭ ብዛት2
የክብደት ደረጃMEDIUM
የተከታታይ ቀናት ክልል7-13
ቀን (ሰዓት የለውም)2026-08-08

ስም፣ ኢሜይል፣ ስልክ፣ የመሣሪያ መለያ፣ የአሳሽ ማንነት (user agent)፣ ትክክለኛ ሰዓት ወይም አካባቢ አይላክም። ስለዚህ በዚህ መንገድ የተላከው መረጃ ወደ አንድ ግለሰብ ሊመለስ አይችልም። እርስዎ ራስዎ አስተያየት ሲልኩ የሚሆነው ከዚህ የተለየ ነው፤ ከታች ይመልከቱ።

የተለመደው የመፍቻ ጊዜ

አንድ ሰሌዳ ሲጨርሱ፣ በዚያው ሰሌዳ ላይ መካከለኛው ተጫዋች የፈጀበትን ጊዜ ጨዋታው ከአገልጋዩ ይጠይቃል፤ ይህም ከአማካዩ ፈጥነው እንደሆነ ለማሳየት ነው። አገልጋዩ የሚይዘው ቁጥር እንጂ ዝርዝር አይደለም፡ በየአስር ሰከንድ ክልል ውስጥ ስንት ተጫዋቾች እንደጨረሱ ብቻ ነው፤ የአንድ ተጫዋች መዝገብ አይያዝም። ቢያንስ አምስት ሰዎች እስኪጨርሱ ድረስ ቁጥሩ አይሰጥም፤ ከዚያ ባነሰ አንድን ሰው እንጂ ስብስብን ስለማይገልጽ ነው። የመረጃ መጋራት ከጠፋ፣ ምንም አይላክም፣ ምንም አይጠየቅም።

አስተያየት ሲልኩ

በጨዋታው ውስጥ “አስተያየት ይላኩ” የሚለውን ተጠቅመው መልእክት ከላኩ ብቻ የሚከተለው ይቀመጣል፡ የጻፉት መልእክት፣ የመረጡት ዓይነት (ስህተት፣ የቃል ችግር፣ ሐሳብ፣ ሌላ)፣ እና በወቅቱ የነበሩበት ሰሌዳ (የጨዋታ ቁጥር፣ ቀን፣ የክብደት ደረጃ)። ስህተት ሪፖርት ሲያደርጉ ብቻ የአሳሽዎ ዓይነት እና የማያ ገጽዎ መጠን ተጨምረው ይላካሉ፤ ይህ ስህተቱን ለመድገም ያስፈልጋል።

አድራሻ (ኢሜይል ወይም ስልክ) መሙላት አማራጭ ነው። ከሞሉ፣ ለጥያቄዎ መልስ ለመስጠት ብቻ ይውላል፤ ለሌላ ዓላማ አይጠቀምም፣ ለስፖንሰሮች ወይም ለሶስተኛ ወገን አይሰጥም።

መልእክትዎ ከተላከ በኋላ አጭር ማጣቀሻ ኮድ ይታይዎታል። መለያ ስለሌለ፣ መልእክትዎ እንዲሰረዝ ለመጠየቅ ብቸኛው መንገድ ይህ ኮድ ነው። ስለዚህ ያስቀምጡት። ኮዱን ይዘው ካገኙን መልእክቱ ይሰረዛል።

አስተያየቶች ጉዳዩ እስኪያልቅ ድረስ ይቀመጣሉ፤ ከዚያ በኋላ በ12 ወራት ውስጥ ይሰረዛሉ። አድራሻዎች መልስ ከተሰጠ በኋላ ይሰረዛሉ።

ማሳወቂያ ሲያበሩ

የዕለት ማስታወሻን ካበሩ፣ አሳሽዎ ለዚያ መሣሪያ የሚሆን የማሳወቂያ አድራሻ (push endpoint) ይሰጣል፤ ይህ አድራሻ ይቀመጣል። አድራሻው ማንነትዎን አይገልጽም፣ ነገር ግን ለአንድ መሣሪያ የተለየ ስለሆነ እንደ ግላዊ መረጃ ይያዛል። ከጨዋታ መረጃዎ ወይም ከአስተያየትዎ ጋር በፍጹም አይያያዝም።

የሚላከው ማሳወቂያ ምንም ጽሑፍ አልያዘም። የመልእክቱ ቃላት በመሣሪያዎ ውስጥ ተቀምጠዋል፤ ስለዚህ የመልእክቱ ይዘት በGoogle ወይም በApple አገልጋዮች በኩል አያልፍም። በቀን አንድ ጊዜ ብቻ፣ አዲስ ጨዋታ ሲወጣ ይላካል።

ለማጥፋት፡ በጨዋታው ውስጥ የዕለት ማስታወሻ → አጥፋ፣ ወይም ከአሳሽዎ ቅንብሮች። ሲያጠፉ አድራሻው ወዲያውኑ ይሰረዛል። ማሳወቂያ መቀበል ያቆመ አድራሻ በራሱ ይወገዳል።

የኢንተርኔት አድራሻ (IP)

አገልጋዩ አላግባብ የሚደጋገሙ ጥያቄዎችን ለመገደብ ብቻ የIP አድራሻውን ከወቅቱ ደቂቃ ጋር አዋህዶ ወደ ማይመለስ ኮድ (hash) ይቀይራል። ይህ ኮድ በየደቂቃው ይለወጣል፣ ከጨዋታ መረጃው ጋር አይያያዝም፣ እና በመዝገቡ ውስጥ አይጻፍም። ጥሬ የIP አድራሻ አይቀመጥም።

ሦስተኛ ወገን

የገጹ ፊደላት (fonts) ከGoogle Fonts ስለሚጫኑ፣ ገጹ ሲከፈት የእርስዎ IP አድራሻ ወደ Google አገልጋዮች ይደርሳል። ይህ ከኢትዮጵያ ውጭ የሚደረግ የመረጃ ዝውውር ነው። ከዚህ ውጪ ሌላ ሦስተኛ ወገን የለም፡ የመተንተኛ አገልግሎት (analytics)፣ የማስታወቂያ አውታር እና የማህበራዊ ሚዲያ ተሰኪ አልተካተቱም።

መረጃ ማጋራትን ማጥፋት

በጨዋታው ውስጥ ቅንብሮች → “ስም-አልባ መረጃ አጋራ” ላይ ምልክቱን ያንሱ። ወዲያውኑ ይቆማል። በመሣሪያዎ ላይ ያለውን ሁሉ ለማጥፋት የአሳሹን site data ያጽዱ ወይም play.fasilpm.com/?reset ይክፈቱ።

የእርስዎ መብቶች

በአዋጅ ቁጥር 1321/2016 (የግል መረጃ ጥበቃ አዋጅ) መሠረት መረጃዎን የማግኘት፣ የማስተካከል፣ የማስሰረዝ እና ተቃውሞ የማቅረብ መብት አለዎት። ጨዋታው ራሱ ማንነትዎን የሚያሳይ መረጃ ስለማይዝ፣ በራስ-ሰር የተላከውን መረጃ ወደ እርስዎ መልሶ ማገናኘት አይቻልም። አስተያየት ልከው ከሆነ ግን የማጣቀሻ ኮድዎን ይዘው ካገኙን መልእክቱን እናሰርዘዋለን። በመሣሪያዎ ላይ ያለው መረጃ ሙሉ በሙሉ በእርስዎ ቁጥጥር ስር ነው። ቅሬታ ካለዎት ወደ ኢትዮጵያ ኮሙኒኬሽን ባለሥልጣን ማቅረብ ይችላሉ።

፲. ግንኙነት

ስለ ውሉ ወይም ስለ ግላዊነት ጥያቄ ካለዎት፡ fasilpm.com/contact